TikTok është tashmë një konkurrent në Instagram kur bëhet fjalë për videot. Megjithatë dhe pse Instagram ka nxitur prej vitesh postimin e Reels, i lejon përdoruesit të postojnë foto në feed-in e tyre dhe të ndajnë Stories 24-orëshe, dhe TikTok dëshiron të rivalizojë akoma dhe më tepër Instagram në këtë drejtim.
Për të arritur një gjë të tillë, raportimet e reja nga Matt Navarra tregojnë një kod të ri në versionin më të fundit të TikTok që përfshin referenca për aplikacionin “TikTok Photos”.
Bazuar në raportimin e publikuar, ky aplikacion i ri duket se është shumë i ngjashëm me Instagramin, me një feed ku përdoruesit mund të ndajnë fotot me miqtë dhe familjen e tyre. Vargjet e gjetura nga TheSpAndroid ftojnë përdoruesit të provojnë aplikacionin e ri TikTok Photos.
Ai gjithashtu sugjeron që përdoruesit do të jenë në gjendje të ndajnë përmbajtje nga aplikacioni kryesor TikTok në aplikacionin Photos. Një varg tjetër e përshkruan aplikacionin si një vend për t’u lidhur me “njerëz të tjerë me mendje të njëjtë që kënaqen nga postimet e fotografive“.
Nuk ka detaje se kur dhe ku do të vijë zyrtarisht TikTok Photos, por gjithçka sugjeron që një njoftim zyrtar duhet të bëhet shumë shpejt. Kjo vjen pasi krijues të shumtë u ankuan se Instagram u fokusua më shumë në video dhe humbi thelbin e tij kryesor si një platformë për shpërndarjen e fotografive. TikTok Photos ka mundësinë të rritet me ritme të shpejta për sa kohë mund të aksesohet lehtësisht nga përdoruesit e TikTok.
