Një aplikacion për pajisjet Android i quajtur iRecorder Screen Recorder nisi rrugëtimin e tij si një “aplikacion i sinqertë” që ofronte shërbimin e regjistrimit të ekranit, mirëpo më pas arriti të shfrytëzonte këtë imazh për të regjistruar fshehurazi përdoruesit një vit pas listimit në Google Play Store.
Fillimisht aplikacioni u publikua në shtator të vitit 2021, mirëpo përmes update-it të ri në gusht të vitit pasardhës nisi të regjistronte një minutë audio në çdo 15 minuta dhe t’i shpërndante këto regjistrime përmes një linku të enkriptuar drejt serverit të zhvilluesit të aplikacionit.
Lukas Stefanko ka dokumentuar të gjitha këto regjistrime në një postim në blog. Në momentin që ky aplikacion u raportua dhe u largua nga Play Store kishte më tepër se 50,000 shkarkime.
Këto aplikacione mashtruese nuk janë të reja në Play Store apo App Store. Gjatë gjithë kohës kanë ekzistuar aplikacione të tilla regjistrimi që janë shumë të këqija për sigurinë e smartphone-ve, të cilat kanë review të rreme në këto platforma.
E rëndësishme është që tashmë ky aplikacion është larguar nga Play Store, mirëpo një gjë e tillë mund të ndodhë sërisht me ndonjë app të dyshimtë që keni instaluar në smartphone-in tuaj. Google tregon se po punon për një update i cili do t’ju njoftojë çdo muaj se cilët aplikacione kanë ndryshuar praktikat e shpërndarjes së informacioneve.
