Datat e skadencës për links në WeTransfer kanë qenë një ankesë e madhe nga përdoruesit – veçanërisht krijuesit. Çështja është se nëse nuk i shkarkoni skedarët në momentin që merrni lidhjen ose emailin, lehtësisht mund ta harroni ta bëni këtë deri në momentin kur linku të skadojë.
Në atë moment do t’ju duhet të kërkoni që dokumenti i shpërndarë të riniset në WeTransfer – gjë që mund të jetë mjaft e bezdisshme për të dyja palët. Kompania është e vetëdijshme për problemin dhe tani duket se po përpiqet ta zbusë atë duke i lënë marrësit të modifikojnë datën e skadimit të skedarëve në aplikacionin e tyre celular – përmes një opsioni të ri “Save for Later”.
Të martën, WeTransfer bëri një njoftim konfuz në llogarinë e tij X – duke shkruar se përdoruesit mund të zgjasin datën e skadimit deri në 30 ditë në aplikacionin celular dhe gjithashtu duke pretenduar se “Lidhjet WeTransfer nuk do të skadojnë më“. Kompania më vonë sqaroi se numri i ditëve për zgjatjen e datës së skadencës do të varet nga plani juaj.
Përdoruesit mbetën të zhgënjyer nga mesazhet e WeTransfer, sepse jepte përshtypjen se po e eliminonte skadimin e linkut krejtësisht, gjë që nuk është kështu. Duhet të ndërmerrni akoma veprime për të ndaluar skadimin e links.
Për të parandaluar këtë gjë, përdoruesit tani mund të ruajnë links të dërguara në një dosje të veçantë në aplikacionin celular të WeTransfer – përmes veçorisë “Save for Later”. Funksioni mund të jetë i dobishëm kur nuk keni kohë për të shkarkuar skedarët menjëherë, por dëshironi t’i aksesoni më vonë.
Në testimin tonë, zbuluam se me një llogari falas, ju mund të zgjasni datën e skadimit të një link deri në shtatë ditë në aplikacion.
