Si të raportojmë videot e TikTok në gjuhën shqipe

Me qëllimin për të mbajtur sa më të sigurt komunitetin tonë në një rrjet social masiv si TikTok, na duhet të kontribujomë duke raportuar të gjitha materialet e papërshtatshme që nxisin dhunë, që përmbajnë gjuhë urrejtje apo që cënojnë të drejtat e fëmijëve dhe komuniteteve.

Deri pak kohë më parë eleminimi i këtyre përmbajtjeve nga TikTok ishte shumë i vështirë, pasi rrjeti social nuk e njihte gjuhën shqipe, duke e bërë të pamundur gjykimin e rasteve të raportuara. Mirëpo tashmë, falë bashkëpunimit të bërë nga Autoriteti i Mediave Audiovizive në Shqipëri me TikTok raportimi dhe eleminimi i përmbajtjeve të dëmshme është më i suksesshëm se kurrë.

Si fillim ju e raportoni një përmbajtje në TikTok drejtpërdrejt në linkun e dedikuar të AMA, dhe më pas nëse konstatohet se materiali është me të vërtetë i dëmshëm për komunitetin, AMA bashkëpunon me TikTok për ta fshirë videon nga platforma.

Më poshtë ne do t’ju tregojmë se si të raportojmë në mënyrë të suksesshme një video në TikTok në gjuhën shqipe duke përdorur faqen zyrtare të AMA.

• Së pari, bëni copy link-un e videos që doni të raportoni
• Tani shkoni tek: ama.gov.al/denonco-shkelje-per-tiktok
• Plotësoni formularin duke vendosur link-un e videos, një përshkrim të shkurtër dhe të dhënat tuaja
• Në fund, klikoni mbi ‘Submit’

Ka ardhur koha që TikTok në Shqipëri të njihet për shpërndarjen e përmbajtjeve informuese, dhe jo për banalitetin tepër të pranishëm nga disa personazhe.

@geekroomalbania

Me në fund, tani mund të raportojmë materialet jo të përshtatshme me të cilat përballemi shpesh në TikTok. 1️⃣ Së pari, bëni copy link-un e videos që doni të raportoni. 2️⃣ Tani klikoni tek në: ama.gov.al/denonco-shkelje-per-tiktok. 3️⃣ Plotësoni formularin duke vendosur link-un e videos, një përshkrim të shkurtër dhe të dhënat tuaja. 4️⃣ Në fund, klikoni mbi ‘Submit’. TikTok, si një platformë e bazuar kryesisht në video, e ka të vështirë të analizojë materialet në shqip. Për të zgjidhur këtë, AMA ka bashkëpunuar me TikTok, duke ndihmuar në monitorimin lokal. Pra, nëse ekipi vlerëson se një video është e papërshtatshme, ajo raportohet dhe fshihet menjëherë. Nga sot, është përgjegjësia e të gjithëve ne që të raportojmë çdo lloj materiali të papërshtatshëm dhe të nxisim AMA-n të përmbushë me korrektësi këtë mision të rëndësishëm kundër gjuhës së urrejtjes në një nga rrjetet sociale më të përdorura të momentit. 🔸️ Bëje share dhe save këtë video për të ndihmuar sa më shumë persona. ▪ Ndiq Geek Room për të rejat më të fundit nga bota e teknologjisë #GeekRoom #AMA #TikTok #socialmedia #apps #teknologji #tech #Tirana #Albania

♬ original sound – Geek Room Albania