WhatsApp ka nisur të ofrojë një përditësim të ri që ju pengon të bëni screenshot të fotos së profilit të një kontakti.
Fillimisht kjo gjë u vu re nga Android Police, dhe duket se përditësimet e fundit në WhatsApp në Android nënkuptojnë se përpjekja për shkrepur një screenshot të fotografisë së profilit rezulton thjesht në shfaqjen e një mesazhi error. Në disa raste të tjera, nuk shfaqet asnjë mesazh paralajmërues kur përpiqeni ta bëni këtë, por nëse shkoni të shikoni screenshot-in tuaj në galeri do të shfaqet vetëm një pamje bosh, pa foton e profilit.
Nuk ka asnjë mënyrë për të parandaluar këtë sjellje, por ky funksionalitet u vu re që po zhvillohej disa kohë më parë. Një mesazh paralajmërues mund të shtohet kur ky shërbim të shfaqet në versionin e qëndrueshëm të aplikacionit. Megjithatë, pavarësisht nga ky ndryshim i përmirësuar i privatësisë, ju mund të bëni sërish një screenshot të fotos së profilit kur ajo është e minimizuar, si përshembull ajo që shfaqet gjatë bisedës me një person në WhatsApp. Ky është një version me rezolucion më të ulët të fotos së profilit tuaj.
Duke bllokuar aftësinë për të shkrepur një screenshot të fotos së profilit në WhatsApp, Meta ka të ngjarë të synojë të parandalojë imitimin dhe shqetësime të tjera të privatësisë. Platformave të tjera të komunikimit, si Telegram dhe Signal aktualisht i mungon ky funksionalitet. Për më tepër privatësi, ju mund të fshehni fotografinë e profilit tuaj në WhatsApp duke shkuar te Settings > Privacy > Profile Photo. Nga këtu mund të rregulloni se kush e shikon profilin tuaj.
