Instagram po rekomandon Reels me përmbajtje seksuale për adoleshentët 13 vjeçarë, edhe nëse ata nuk po kërkojnë në mënyrë specifike për këto video, sipas testeve të veçanta të kryera nga The Wall Street Journal dhe profesorja e Universitetit Northeastern, Laura Edelson.
Të dy krijuan llogari të reja dhe vendosën moshën e tyre 13 vjeç për të testuar platformën nga janari deri në prill të këtij viti. Me sa duket, Instagram ka servirur që në fillim video të papërshtatshme, duke përfshirë ato të grave që kërcejnë në mënyrë sensuale ose ato që fokusohen në trupin e tyre. Llogaritë që i panë ato video dhe anashkaluan Reels të tjerë më pas filluan të marrin rekomandime për video akoma më eksplicite.
Disa nga Reels të rekomanduara përmbanin gra që bënin kryenin lëvizje si në akte seksuale, të tjera premtuan t’u dërgonin fotografi nudo përdoruesve që komentonin në llogaritë e tyre. U deshën vetëm tre minuta pasi u krijuan llogaritë për të filluar shfaqjen e Reels eksplicite. Brenda 20 minutash nga shikimi i tyre, seksioni i tyre i rekomanduar “Reels” u dominua nga krijuesit që prodhonin përmbajtje seksuale.
Për të vënë në dukje, The Journal dhe Edelson kryen të njëjtin test dhe në TikTok dhe Snapchat dhe zbuluan se asnjëra platformë nuk rekomandonte video seksuale për llogaritë e adoleshentëve që ata krijuan. Llogaritë nuk panë asnjëherë rekomandime për video të papërshtatshme për moshën, pasi i kërkuan në mënyrë aktive dhe i ndoqën krijuesit që i prodhojnë ato.
Stafi i sigurisë së Metës ka kryer më parë të njëjtin test dhe ka dalë me rezultate të ngjashme, raporton The Wall Street Journal. Zëdhënësi i kompanisë Andy Stone e hodhi poshtë raportin, megjithatë, duke thënë për The Journal: “Ky ishte një eksperiment artificial që nuk përputhet me realitetin se si adoleshentët përdorin Instagram“. Ai shtoi se kompania “krijoi një përpjekje për të reduktuar më tej vëllimin e përmbajtjeve të ndjeshme që adoleshentët mund të shohin në Instagram dhe i ka ulur ndjeshëm këto numra në muajt e fundit“.
