Apple u duk se kërcënoi Epic Games, kur kompania ndërpreu veprimtarinë e llogarisë së zhvilluesit të Epic Games për herë të dytë, nga ku citoi si arsye kritikat e Epic kundrejt Apple. Megjithatë komisioneri evropian, i cili drejton degën ekzekutive të Bashkimit Evropian, ka sugjeruar tani që kjo është një shkelje e ligjit.
Komisioneri i BE-së Thierry Breton dje postoi një emoji me dritë të kuqe dhe shkroi: “Sipas #DMA, nuk ka vend për kërcënime nga gatekeepers për të heshtur zhvilluesit. Unë u kam kërkuar shërbimeve tona që të shqyrtojnë mbylljen e llogarisë së zhvilluesit të Epic nga Apple si çështje prioritare.”
Një nga arkitektët e DMA, eurodeputeti gjerman Andreas Schwab, ka thënë se veprimet e Apple duket se tregojnë se gjigandi i teknologjisë do të jetë i pari që do të sanksionohet sipas ligjit të ri. Nëse Apple do të vazhdojë diçka të tillë mund të gjobitet me miliarda dollarë nga BE.
Pas këtij reagimi kaq të fuqishëm të komisionerëve evropianë, duket se Apple “është trembur” dhe ka vendosur që të rikthejë llogarinë e zhvilluesit të Epic Games në Suedi, e cila do të lejojë që kompania të ofrojë një dyqan për të konkurar me dyqanet e tjera të aplikacioneve në Evropë pas DMA.
Episodi ishte një nga sfidat e para për DMA evropiane nga një prej gjigantëve të teknologjisë që rregullon dhe ngriti pyetje nëse gjobat e ligjit do të ishin të mjaftueshme për të frenuar disa nga praktikat e synuara nga ligji. Ndërrimi i shpejtë i strategjisë nga Apple sugjeron që rregullatorët evropianë do të jenë në gjendje të zbatojnë ligjin. “Kjo dërgon një sinjal të fortë për zhvilluesit se Komisioni Evropian do të veprojë me shpejtësi për të zbatuar Aktin e Tregjeve Dixhitale dhe do të mbajë përgjegjës gatekeepers,” tha Epic Games në një deklaratë.
