Më në fund ne kemi një ide rreth versionit të ri të Instagram që do të rivalizojë Twitter përmes publikimeve nëpërmjet tekstit, pas raportimeve nga Lia Haberman.
Në këtë raportim nuk tregohet asnjë emër i veçantë për këtë shërbim, thjesht cilësohet si “aplikacioni i ri i Instagram për publikimin e teksteve”, megjithatë emri i koduar i këtij aplikacioni është P92 ose Barcelona. Përdoruesit do të jenë në gjendje të logohen me username-in dhe password-in e instagramit të tyre, duke transferuar kështu të gjithë ndjekësit tuaj dhe informacionet e tjera.
Brenda në aplikacion ju do të shikoni një feed, dhe në të mund të publikohen tekste me deri në 500 karaktere të cilave mund t’i shtohen fotografi, links apo video të ndryshme. Aplikacioni duket pakashumë si një version i miksuar i Instagram dhe Twitter. Plani i Meta është që të ofrojë një moderim mjaft të mirë që nga fillimi, duke transferuar në këtë aplikacion dhe listën me përdoruesit që ju keni bllokuar.
Based on a (somewhat blurry) example I got, Meta’s new app looks a lot like Twitter.
So, could this take over all the Twitter screenshots we’ve been seeing on the Feed lately? Maybe.
It’s impossible to predict how audiences will respond but this could be an alternative. pic.twitter.com/xgQa1kUjCl
— Lia Haberman (@liahaberman) May 19, 2023
Më e rëndësishmja është që ky aplikacion do të ketë disa elemente të decentralizimit, pasi do të mund të integrohet dhe në aplikacione të tjera si Mastodon. “Përdoruesit në këto aplikacione do të jenë në gjendje të kërkojnë, të ndjekin dhe të ndërveprojnë me profilin tuaj.” tregohet në slide-n e Instagram.
Nëse ky aplikacion publikohet për të gjithë përdoruesit në mbarë botën, mund ta bëjë këtë platformë akoma dhe më të njohur seç është momentalisht.
