Google Photos mund të fillojë t’ju kushtojë disi, pasi qershori do të jetë muaji ku nuk do të mund të upload-oni më foto në mënyrë të palimituar, mirëpo ato po punojnë fort për të përmirësuar këtë aplikacion.
Kohët e fundit Google ka filluar të ofrojë shërbime të ndryshme si krijime automatike dhe pajisje për editim. Shtesa më e re ndër këto shërbime do të jetë Locked Folder, që do të shërbejë si një vend ku ju mund të ruani të gjitha fotot tuaja private. Folderi privat ka shumë vite që përdoret nga kompani të njohura si Samsung dhe OnePlus, dhe me sa duket Google e pa të arsyeshme të shtonte tani këtë shërbim.
Për të gjetur Locked Folder në Google Photos fillimisht duhet të shkoni në seksionin Utilities. Ai do të kërkojë password-in aktual që ka smartphone-i juaj si një masë sigurie, para se ta aksesoni këtë folder. Pasi ju të keni futur fotot tuaja personale në këtë folder ato nuk do të shfaqen më në timeline-in e aplikacionit.
Locked Folder do të vijë fillimisht në smartphone-t Pixel dhe më pas në smartphone-t e tjerë Android përgjatë vitit.
