Si çdo vit Apple prezantoi App Store Awards, ku vlerësoi 17 aplikacione dhe lojëra që u dalluan për inovacion, dizajn, përvojë përdoruesi dhe ndikim kulturor.
“Çdo vit, ne frymëzohemi nga mënyrat se si zhvilluesit i shndërrojnë idetë e tyre më të mira në përvoja inovative që pasurojnë jetën e njerëzve”, tha Tim Cook, CEO i Apple. “Fituesit e këtij viti përfaqësojnë kreativitetin dhe përsosmërinë që përcaktojnë App Store dhe ata demonstrojnë ndikimin domethënës që aplikacionet dhe lojërat e klasit botëror kanë tek njerëzit kudo.”
Në kategoritë për aplikacione, fituesit kryesorë përfshijnë:
- Tiimo: Aplikacioni i vitit për iPhone, një aplikacion për planifikim dhe menaxhim të detyrave, që me ndërfaqen e tij vizuale ndihmon përdoruesit të organizojnë ditët.
- Detail: Aplikacioni i vitit për iPad, me mjete editimi të fuqishëm për video, që e bën më të lehtë krijimin e përmbajtjeve multimediale.
- Essayist: Aplikacioni i vitit për Mac, i fokusuar në ndihmë për shkrim akademik dhe organizimin e dokumenteve.
- Explore POV: Aplikacioni i vitit për Apple Vision Pro, që ofron përvoja zhytëse përmes realitetit virtual.
- Strava: Aplikacioni i vitit për Apple Watch
- HBO Max: Aplikacioni i vitit për Apple TV.
Në kategoritë e lojërave:
- Pokémon TCG Pocket: Loja e vitit për iPhone
- DREDGE: Loja e vitit për iPad
- Cyberpunk 2077: Ultimate Edition: Loja e vitit për Mac
- Porta Nubi: Loja e vitit për Apple Vision Pro
- WHAT THE CLASH?: Loja e vitit në Apple Arcade
Përveç aplikacioneve dhe lojërave, Apple vlerësoi edhe disa tituj për “Ndikim Kulturor” aplikacione dhe lojëra që kontribuojnë pozitivisht në shoqëri, promovojnë përfshirje, qasje dhe ndihmojnë për ndryshim. Fitues përfshijnë: Be My Eyes (ndihmë për personat me shikim të dobët), Art of Fauna, Chants of Sennaar, despelote, Focus Friend dhe StoryGraph. Këto tituj u njohën për mënyrat se si ndihmojnë përdoruesit, rrisin ndërgjegjësim, promovojnë kreativitet, reflektim dhe përfshirje.
