Pas disa ribrandimesh, seancash dëgjimore në kongres dhe largimeve të rëndësishme në stafin e saj, kriptomonedha e mbështetur nga Meta, Diem, është shitur.
Shoqata që gjendet pas Diem konfirmoi ditën e hënë se i shiti asetet e saja me vlerë rreth $200 milionë drejt Silvergate, një bankë e fokusuar në kriptomonedhat që po punon prej kohësh të publikojë një monedhë të qëndrueshme të lidhur me dollarin amerikan. Ky vendim u mor pasi “u bë shumë e qartë nga rregullatorët shtetërorë se ky projekt nuk mund të zhvillohej më tej”, siç tha dhe vetë CEO Stuart Levy në një deklaratë për shtyp.
Kjo shitje shënon fundin e një përpjekje që ishte e “mallkuar” që nga fillimet e saja. Dhe pse Facebook formoi Libra Association për të qeverisur këtë monedhë me kompanitë e tjera, njerëzit filluan të shqetësoheshin menjëherë se kjo gjë do ta bënte gjigandin e teknologjisë dhe më të fuqishëm. Gjithashtu, anëtarët e Libra Association filluan të largoheshin vetëm disa muaj pas prezantimit të këtij grupi.
Dhe pse lidhjet e Meta me Diem kanë përfunduar, ekziston gjithmonë një shans që Silvergate ose një kompani tjetër të ringjallë këtë projekt. Arsyeja kryesore se përse projekti dështoi ishte reputacioni i Meta, pasi Diem ishte dizenjuar në një mënyrë më transparente dhe më miqësore me rregullatorët në krahasim me disa stablecoins ezistuese.
