Artriti është një sëmundje tepër e përhapur në botë e shkaktuar nga dëmtimet e bëra në artikulacionet e personave. Normalisht kërci shërben si një pikë mbështetëse në këto pika, mirëpo mosha e madhe apo dëmtimet mund të bëjnë që kërci të zhduket, dhe kockat të bien në kontakt me njëra tjetrën duke dhënë një dhimbje të padurueshme.
Bioinxhinierët në Connecticut kanë zhvilluar një material të vogël rrjete, rreth një milimetër të trashë, i cili gjeneron korente të vogla elektrike kur ndjen presion. Tek pacientët me artrit, lëvizja e vazhdueshme e artikulacionit bën që implanti të gjenerojë një fushë elektrike e cila stimulon qelizat të kolonizohen dhe të formojnë një kërc të ri.
Në eksperimentet e kryera, shkencëtarët arritën të rikrijonin kërcin në gjurin e lepurit, gjë e cila mund të çojë në gjetjen e një zgjidhjeje të shërimit të artikulacioneve tek personat me artrit.
Ky studim u drejtua nga Thanh Nguyen, bioinxhinier në University if Connecticut, i cili tregon se implementimi tek njerëzit do të bëhet në mënyrë të kujdesshme. “Ky është një rezultat i mahnitshëm, mirëpo tani ne duhet ta testojmë këtë metodë në një kafshë më të madhe, që ka afërsisht peshën e një njeriu.”
Nëse kjo teknologji arrin të jetë e suksesshme, atëherë ajo do të shpëtojë me miliona njerëz që vuajnë çdo ditë nga artriti.
