Inxhinierët kanë prezantuar robotin më të vogël në botë që kontrollohet në distancë, i cili është dhe më i vogël se një plesht.
Kjo gaforre e vogël robotike mund të “ecë, të përkulet, të kthehet dhe të kërcejë” sipas inxhinierëve nga Northwestern University në SHBA. Zbulimi mund të sinjalizojë kështu nisjen e një epoke të re të robotikës në shkallë mjaft të vogël.
Makineria e vogël nuk është e fuqizuar nga një hardware në miniaturë dhe pjesë elektronike të ndryshme, por në të janë përdorur materiale të kombinuara me kujtesë të formës, të cilët transformohen kur nxehen.
Si lëviz ky robot?
Studiuesit përdorën rreze lazer të skanuara për të nxehur menjëherë pajisjen në disa vendndodhje të ndryshme përgjatë trupit të saj për të mundësuar transformimin e materialit në mënyrë të tillë që roboti të lëvizë.
Një nga metodat e përdorura nga studiuesit ishte mbulimi i pajisjes me një veshje të hollë xhami që forcon strukturën e robotit të rikthehet në formën e deformuar passi ai të ftohet. “Për arsyen se këto struktura janë kaq të vogla, shkalla e ftohjes është shumë e shpejtë. Në fakt, reduktimi i madhësisë së këtyre robotëve bën të mundur që të ecin më shpejt.” shpjegoi profesori John Rogers, i cili drejtoi këtë kërkim eksperimental.
