Para pak kohësh Apple prezantoi pamjen e parë të hardware-it më të ri të kompanisë Vision Pro gjatë WWDC 2023. Në këtë mënyrë të gjithë fansat e pajisjeve Apple do të kenë mundësinë të aksesojnë realitetin miks të ofruar nga kjo pajisje me çmim $3,499.
Së shpejti shtetasit amerikanë do të kenë mundësinë ta blejnë këtë pajisje, mirëpo një gjë e tillë duket se do të ofrohet më vonë në tregjet e tjera. Tregu i Kanadasë dhe Mbretërisë së Bashkuar janë cilësuar si 2 tregjet e para ndërkombëtare, ndërkohë që më vonë produkti pritet të vijë dhe në shtete të tjera të Evropës dhe Azisë.
Megjithatë, raporti sqaron se Apple nuk ka marrë ende një vendim përfundimtar për këtë çështje. Prezantimi i ngadaltë mund t’i atribuohet faktorëve të ndryshëm. Së pari, natyra e paprovuar e produktit dhe çmimi i tij jashtëzakonisht i lartë prej $3,499 e bëjnë atë një nga pajisjet më të shtrenjta të konsumit të Apple. Për më tepër, strategjia e përfshirë në shitjen e kufjeve përbën një sfidë.
Apple synon të ofrojë një përvojë më të personalizuar duke u kërkuar klientëve të caktojnë një takim në një nga më shumë se 270 lokacionet e saj në SHBA. Gjatë takimit, klientëve do t’ju matet koka duke përdorur një pajisje fizike ose një aplikacion iPhone aktualisht në zhvillim për të siguruar një përshtatje të përsosur dhe bllokim optimal të dritës.
Apple synon të sigurojë një përvojë superiore për një produkt të nivelit të lartë, por kjo qasje kufizon mundësitë e tij të shitjes. Shpërndarja nga palët e treta e Vision Pro nuk është planifikuar të paktën deri në vitin 2025.
