Elon Musk ka treguar së fundmi në Twitter se kompania e tij ka në plan përdorimin e C02 nga atmosfera si një karburant për raketat e tij.
Biznesmeni miliarder tregoi ditën e hënë në Twitter: “SpaceX po fillon një program për të hequr C02 nga atmosfera dhe për ta kthyer atë në karburant për raketat. Ju lutem na bashkohuni nëse jeni të interesuar.” Kjo deklaratë vjen vetëm disa ditë pasi Musk u emërua “Personi i Vitit” nga revista Time, ku ai përshkruhej si një “klloun, gjeni, vizionar, industrialist dhe showman”.
Will also be important for Mars
— Elon Musk (@elonmusk) December 13, 2021
Si do të funksionojë teknologjia e kapjes së karbonit?
Një mënyrë se si qeveritë po mundohen të kompensojnë emëtimet e karbonit në atmosferë është duke mbjellë pemë, të cilat e thithin C02. Një tjetër metodë që është në zhvillim e sipër është krijimi i një teknologjie që eleminon karbonin në shkallë të madhe, si përshembull vendi i kapjes së karbonit në Islandë.
Freskueset masive janë të pajisura me një filtër që kap karbonin në atmosferë dhe e “paketon” atë nën tokë në formën e shkëmbit basalt ku ajo mund të mineralizohet.
Mirëpo nuk është ende e qartë se cila do të jetë mënyra që SpaceX do të përzgjedhë për kapjen e karbonit. NASA ka zhvilluar gjithashtu një metodë të kthimit të C02 në karburant duke përdorur okisdin e metaleve që konvertojnë gazin në lëndë djegëse.
