Qualcomm ka prezantuar gjatë Snapdragon Tech Summit proçesorin e ri për smartphone-t flagship të 2022: Snapdragon 8 Gen 1. Ky do të jetë pasardhësi i proçesorit të vjetshëm Snapdragon 888 dhe do të jetë i pari që vjen me një skemë të re emërtimi.
Si çdo vit, proçesori i ri Snapdragon do të vijë me performancë të përmirësuar, teknologji të re për kamerat, aftësi më të mira AI, siguri dhe 5G.
Snapdragon 8 Gen 1 do të jetë proçesori i parë nga Snapdragon që do të përdorë arkitekturën Armv9 nga Arm. Ai do të ketë një prime core të bazuar në Cortex-X2 me 3.0Ghz, 3 performance cores të bazuara në Cortex-A710 2.5Ghz dhe 4 efficiency cores bazuar në dizajnin Cortex-A510 1.8Ghz. Gjithashtu, proçesori i ri kalon në proçesin 4nm, ndryshe nga më parë ku përdorej ai 5nm.
Qualcomm premton se ky proçesor do të ofrojë performancë 20% më të mirë dhe 30% më tepër efiçiencë në kursimin e energjisë, në krahasim me versionin paraardhës.
Nga ana tjetër, Adreno GPU i ri premton graphic rendering 30% më të shpejtë, bashkë me 25% më tepër efiçiencë për kursimin e energjisë.
Gjenerata e 4-t e modemëve 5G nga Qualcomm suporton shpejtësitë deri në 10Gbps, ndërkohë që proçesori i ri ofron suprot dhe për Wi-Fi 6, Wi-Fi 6E dhe Bluetooth LE Audio.
Gjithashtu kompani premton përmirësime të mëdha në departamentin e kamerave, duke përmirësuar kualitetin e fotove në errësirë dhe duke mundësuar regjistrimin e videove 8K me HDR.
