Filmi i fundit i Daniel Craig si James Bond është pritur mjaft mirë nga fansat dhe ka regjistruar fitimet më të mëdha në fundjavën hapëse nga të gjithë filmat e tjerë 007. Nga dita e premte dhe deri në ditën e dielë filmi regjistroi fitime prej £25.9 milionë, sipas Comscore.
Këto shifra tejkaluan fitimet prej £20.2 milionë të Skyfall dhe £19.8 milionë Spectre, të cilët tashmë gjenden në vendin e dytë dhe të tretë në listën e UK box Office Chart. Filmi është drejtuar nga Cary Joi Fukunaga, dhe pjesëmarrës në film janë aktorë të famshëm si Lea Seydoux, Rami Malek dhe Lashana Lynch.
Shumica e kritikëve e pëlqyen këtë film dhe shumë prej tyre dhanë review me 5 yje pas premierës në Royal Albert Hall gjatë kësaj jave. Universal tha se No Time to Die regjistroi një tjetër rekord të ri, duke u transmetuar në 772 kinema në Mbretërinë e Bashkuar, 25 më shumë se Star Wars: Rise of Skywalker në 2019.
Box office në SHBA dhe në Kanada duket se ka një konkurencë të fortë me Venom: Let There Be Carnage, e cila regjistroi $90.1 milionë fundjavën hapëse. Vende të tjera të mëdha si Franca, Rusia dhe Kina nuk e kanë përjetuar ende eksperiencën e këtij filmi, pasi planifikimi i publikimit global ka parashikuar data për transmetimin më vonë gjatë këtij muaji ose në nëntor.
