Një pjesë e madhe e forcës punëtore globale janë detyruar të punojnë nga shtëpia në 2020 për shkak të përhapjes së pandemisë së COVID-19, gjë e cila ka ndihmuar në uljen e ndotjes së ajrit deri në 50% në të gjithë botën.
Tashmë kompanitë po bëhen gati të thërrasin sërisht punonjësit të paraqiten në punë, por po mendohet që ato të adoptojnë një model hibrid të rikthimit në punë për 3 ose 4 ditë në javë. Kjo zgjidhje do të ishte shumë efektive sipas një studimi të kryer nga Institute of Enviromental Science and Technology në Universitat Autonoma de Barcelona, që tregon se kjo gjë do të ndihmojë në uljen e niveleve të dioksidit të azotit deri në 10%.
Ata kryen studime rreth 3 skenarëve të ndryshëm, 2, 3 ose 4 ditë në javë punë në shtëpi dhe zbuluan se nivelet e dikosidit të azotit do të uleshin me 4%, 8% dhe 10% respektivisht. Nëse 40% e punonjësve të sektorit të shërbimit do të punojnë nga shtëpia për të paktën 4 ditë në javë, jo vetëm që do të vërehet një ulje në nivelet e NO2 me 10%, por do të ketë gjithashtu një rënie të emëtimeve të gazrave nga makinat me të paktën 15%.
Studiuesit i grumbulluan këto të dhëna rreth lëvizjes dhe ndotjes së ajrit gjatë periudhës së izolimit në Barcelonë. “Ne propozojmë që punimit nga shtëpia t’i jepet prioritet për shkak të kontributit të saj në reduktimin e ndotjes urbane të ajrit.” tregoi autori i studimit.
