Apple prezantoi linjën e re të iPhone 13 gjatë javës së kaluar, dhe si gjithmonë treguan se jetëgjatësia e baterisë është rritur “x” orë, pa përmendur asnjë detaj rreth kapacitetit të tyre. Mirëpo një dokument i ri u shfaq gjatë fundjavës në të cilën ishin të detajuara kapacitetet e baterive, duke treguar se me sa ato janë rritur në krahasim me gjeneratën e kaluar.
Bateria në iPhone 13 Pro Max ka shtuar kapacitetin në sasinë më të madhe, ndërkohë që iPhone 13 Mini ka kapacitetin më pak të rritur. Interesant është fakti që këtë vit iPhone 13 dhe 13 Pro kanë bateri të ndryshme, pasi zakonisht bateria në këto dy smartphone ishte e barabartë. Kjo diferencë nuk është shumë e madhe, por kur konsiderojmë faktin se iPhone 13 Pro ka ekran me 120Hz refresh rate fillojmë të shqetësohemi disi.
iPhone 13 mini do të vijë me një rritje prej 9% në kapacitetin e baterisë, duke shkuar në 2,438mAh. iPhone 13 vjen me kapacitet 3240mAh (rritje 15% nga paraardhësi), 13 Pro me 3,125mAh (rritje 11%) ndërsa iphone 13 Pro Max me 4,373mAh (rritje 18.5%).
