Fokusi kryesor i Realme në MWC të këtij viti ishte prezantimi i serisë 14 Pro të smartphone-ve në Evropë, por kompania kishte gjithashtu disa surpriza për fansat.
Në këtë edicion, ku Geek Room ishte prezent duke informuar në mënyrë të drejtpërdrejtë ndjekësit në rrjetet sociale rreth inovacioneve më të reja në botën e teknologjisë, Realme prezantoi një koncept të ri smartphone-i, i cili e çon eksperiencën e shkrepjes së fotografive në një nivel të ri. Bëhet fjalë për konceptin Realme Ultra.
Ky smartphone është krijuar në thelb për të gjithë të apasionuarit e fotografimit, pasi ofron një sistem montimi për lentet e kamerave Leica M në pjesën e pasme të telefonit. Këto lente drejtojnë dritën në një sensor CMOS 1 inç në pjesën e pasme të telefonit. Në të vërtetë, koncepti duket shumë i lezetshëm.
Në stendën MWC të Realme, kompania tregoi aftësitë e Realme Ultra së bashku me një iPhone 16 Pro Max. IPhone ishte në gjendje të kapte një foto të mrekullueshme, sigurisht, por thjesht nuk mund ta mposhtni thellësinë e lenteve optike reale, gjë që telefoni Realme ishte në gjendje të kapte me lentet e tij të pasme të heqshme.
Megjithatë Realme Ultra ka të integruara dhe kamerat e veta gjithashtu në adaptorin për lentet Leica M; ka dy kamera të rregullta që mund t’i përdorni për fotografimin e përditshëm. Gjithsesi, telefonat koncept janë krijuar për të provuar një pikë inxhinierike – ose për mburrjeje. Pra, kjo Realme nuk do të vijë në një dyqan pranë jush. Por është mjaft bukur të shohësh një entuziazëm të tillë për inovacion.
Xiaomi tregoi prezantoi gjithashtu një model të ngjashëm, megjithatë ajo mbështetet në një lidhje magnetike për të transferuar të dhëna nga një shtojcë që përfshin një sensor dhe një lente. Në thelb, është një sistem i tërë kamerash që fuqizohet nga telefoni, në vend të një lente që përdor një sensor të integruar në telefon.
