Javën e kaluar, mbi $600 milionë kriptovaluta u vodhën nga një haker i cili gjeti një pikë të dobët në Poly Network, një platformë e përdorur për të kryer transaksione kriptovalutash ndërmjet blockchains të ndryshëm. Nëse kjo ishte një histori tepër e pabesueshme për ju, prisni sepse ka akoma.
Poly Network tregoi ditën e sotme në një postim në Medium se ka ruajtur kontakt të përditshëm me hakerin që njihej si Mr White Hat. Poly Network shtoi se hakeri ndau me to shqetësimet e tij rreth “sigurisë të Poly dhe strategjisë së përgjithshme të zhvillimit” në post. Pasi i dëgjoi këto kritika, Poly Network i ofroi Mr. White Hat një vend pune si Chief Security Advisor.
#PolyNetwork has no intention of holding #mrwhitehat legally responsible and cordially invites him to be our Chief Security Advisor. $500,000 bounty is on the way. Whatever #mrwhitehat chooses to do with the bounty in the end, we have no objections. https://t.co/4IaZvyWRGz
— Poly Network (@PolyNetwork2) August 17, 2021
Nuk është e pazakontë që hakerat të sigurojnë të ardhura të mjaftueshme përmes testimit të mbrojtjes dixhitale në kompani të mëdha. Idea është: kush mund të përmirësojë sigurinë e platformës më mirë se vetë hakeri që e theu sistemin?
“Ne i kemi besuar sigurinë dixhitale të platformave tona ekspertëve të ndryshëm si Mr. White Hat dhe i ftojmë të gjithë të interesuarit të aplikojmë pasi dëshira jonë është ndërtimi i një sistemi të sigurt dhe të mirëshpërndarë.” u shpreh një zëdhënës i kompanisë.
