Telegram është një ndër platformat më të kompletuara e cila zhvillohet dita-ditës me një ritëm mjaft të shpejtë.
Në update-in e fundit për përdoruesit beta mësuam se Telegram do të bëjë të mundur screen sharing ndërkohë që komunikoni me miqtë tuaj dhe do të sjellë disa controls për shpejtësinë e luajtjes së videove.
Shpejtësia e luajtjes së videove
Versioni beta v7.9.0 përfshin disa controls të reja të cilat shfaqen në momentin kur ju luani një video. Nëse ju klikoni në 3 pikat në krahun e djathtë do t’ju shfaqet dhe një kategori Speed. Nga këtu keni mundësinë të luani videon në shpejtësitë 0.2x, 0.5x, 1x, 1.5x dhe 2x.
Screen sharing
Ky shërbim i ri bën të mundur shpërndarjen e pamjes në ekranin tuaj gjatë një telefonate me video me miqtë. Për momentin shërbimi nuk është tepër i stabilizuar, pasi nuk funksionon rregullisht. Kur ju jeni në video call, përmes screen sharing mund të ndani gjithçka që shihni në smartphone me miqtë, madje dhe video të ndryshme në TikTok.
Clear history and video messages
Një tjetër ndryshim i përfshirë në versionin e ri beta të Telegram është fshirja e historisë së chat-it kur ai është më i vjetër se një muaj bashkë me mundësinë e lëvizjes së video message preview kur ju rrëshqitni sipër ose poshtë në ekran.
