Marques Brownlee, i njohur ndryshe si MKBHD, njihet si një nga tech-reviewer më të mirë në YouTube me më tepër se 14 milionë përdorues të abonuar në kanalin e tij. Në videon e tij të fundit ai shpjegoi pikat më të forta dhe më të dobëta sipas mendimit të tij të makinës së re elektrike nga Tesla, Model S Plaid.
Marques tregoi se ai e admironte cilësinë e materialeve të përdorura në kabinën e Model S Plaid, ndryshe nga normalisht. Ndërfaqja e përdoruesit dhe inputi në touch-screen ishte mjaft fluid sipas tij. Një tjetër fushë ku ai ishte mjaft i kënaqur ishte performanca e makinës, duke treguar se ajo e ruan pikun e fuqisë dhe përtej shpejtësisë 100 km/h, deri në 200km/h.
Megjithatë në video u përmendën dhe disa pakënaqësi që kishin të bënin me timonin e ri të përfshirë, Yoke. Të gjithë personat që ngasin për herë të parë një Tesla Model S Plaid do ta kenë të vështirë të ambientohen pasi timoni ka një formë drejtkëndore, dhe jo rrethore si normalisht. Kësaj vështirësie i shtohet dhe shtypja e gabuar e butonave në timon gjatë marrjes së kthesave.
Këtë video me sa duket e ka ndjekur dhe CEO i Tesla, Elon Musk, i cili reagoi në Twitter duke thënë: ”Një review mjaft e mirë dhe kritika të drejta. Me çdo software update, intuita e makinës do të përmirësohet. Ju do të keni shumë pak nevojë të shtypni butona dhe makina do të kuptojë kur të injorojë shtypjet aksidentale të butonave.
Good review & fair critique.
In general with interfaces, all input is error. With each software update, the car’s intuition will get better. You will need to press buttons less & less & it will know when to ignore accidental button presses.
— Elon Musk (@elonmusk) July 23, 2021
Gjithashtu ai shtoi se ndërfaqja full self-driving shtrihet në të gjithë ekranin dhe se forma e timonit Yoke mundëson një pamje të pandërprerë të ekranit pas timonit.
Also, the full self-driving interface renders across the whole display & it is incredible. The yoke enables an unobstructed view of the screen.
— Elon Musk (@elonmusk) July 23, 2021
