Videoklipi i këngës “New Normal” nga Khalid përshkruan “një pamje të përditshme” nga e ardhmja e afërt

Kënga “New Normal” nga albumi i ri i Khalid është shndërruar në një hit të këtij sezoni, jo vetëm prej melodisë së bukur të saj, por dhe prej videoklipit futuristik plot me qiellgërvishtës të mbuluar me bimë, makina self-driving dhe shtëpi smart. Të gjitha produktet e shfaqura në këtë video janë produkte reale të krijuara nga kompani aktuale në ditët e sotme.

Që në sekondat e para të videoklipit shihet Khalid teksa zbret nga një robotaxi të prodhuar nga startup-i nën pronësinë e Amazon, Zoox. Ky mjet transporti self-driving u prezantua në dhjetor të vitit të kaluar dhe nuk është ende i disponueshëm për publikun e gjërë, dhe pse në videoklip shihen të qarkullojnë vetëm këto makina.

Ndërkohë që Khalid kërcen në Bradbury Building, njerëz të tjerë po fusin disa kuti në dronë transportues të cilët vijnë përreth ndërtesës.

Më vonë shfaqen disa pamje ku Khalid futet në një dhomë të tejmbushur me bimë, të cilat ai i ujit, por vetëm pak çaste më vonë shfaqet një sistem ujitjeje automatike e drejtuar nga një PS5.

Në dritaren e Khalid dukej mjaft qartë një tabelë reklamuese ku shkruhet se një udhëtim drejt Hënës zgjat vetëm 90 minuta. Aktualisht, një udhëtim 90 minutësh drejt Hënës është i parealizueshëm, por me sa duket këngëtari beson se me teknologjinë e së ardhmes kjo gjë do të jetë e mundur.