Inteligjenca amerikane nuk ka arritur të gjejë asnjë provë se në fenomenin ajror të raportuar nga pilotët e flotës ushtarake detare ka teknologji aliene. Megjithatë ata nuk kanë arritur të shpjegojnë lëvizjet e çuditshme të këtyre objekteve fluturuese që kanë habitur ushtrinë dhe shkencëtarët.
Magjepsja tepër e gjatë e amerikanëve pas U.F.O është rritur shumë kohët e fundit para publikimit të raportimeve qeveritare. Një tjetër faktor ishte dhe deklarata e ish-presidentit Barack Obama në “The Late Late Night Show with James Corden”, ku tha se ekzistojnë pamje filmike të objekteve të paidentifikuara në qiell të cilat nuk dihen ende se çfarë janë.
Një zyrtar i lartë në inteligjencë tha pa hezitim se zyrtarët e SHBA e dinë se ato nuk janë teknologji amerikane. Ai shtoi duke thënë se ka disa shqetësime nga këto persona se mos ndoshta Kina apo Rusia ka filluar eksperimentimin e teknologjisë hipersonike. Ky person foli duke ruajtur anonimitetin për shkak se nuk është i autorizuar për të folur publikisht mbi gjetjet sekrete në raportime.
Togeri Ryan Graves, i cili ka punuar për US Navy prej 10 vitesh tregoi se “këto gjëra mund të qëndronin në ajër gjatë gjithë ditës, 12 orë pa ndërprerje. Me shpejtësinë që ato lëviznin, nuk “duhet” të kishin mundësinë të qëndronin për më tepër se një orë në ajër.” u shpreh ai.
