Kur Nothing u prezantua si kompani gjatë vitit të kaluar, themeluesi Carl Pei premtoi se ky startup do të prodhojë një gamë të gjërë produktesh, me qëllim krijimin e një ekosistemi të ri.
Pas një viti e gjysmë, Nothing ka prezantuar 2 produkte kryesore: Ear (1) dhe Phone (1). Këto produkte tërhoqën vëmendjen e publikut për shkak të guximit të Nothing për të provuar dizajne të reja në produktet e tyre që janë ndër më të veçantat në industri.
Ear (stick). Supremely comfortable. Exquisitely unique.
Revealed exclusively on Chet Lo’s SS23 runway. pic.twitter.com/lzP3n4cQNR
— Nothing (@nothing) September 22, 2022
Tashmë Nothing ka nisur të reklamojë një tjetër produkt të ri, i cili do të quhet Ear (Stick) dhe do të vijnë në një format ndryshe krahasuar me kufjet wireless Ear (1). Kufjet e reja do të ruhen dhe do të karikohen në një kasë cilindrike, që duket si një buzëkuq.
Këto publikime në faqjen zyrtare të kompanisë në Twitter vërtetojnë zërat që tregonin që Nothing po përgatitej për të lançuar disa kufje të reja me çmim të ngjashëm me Ear (1).
Për momentin jo gjithçka është bërë e ditur në lidhje me zëvëndësimin e kufjeve origjinale transparente, dhe pse më tepër ky produkt do të cilësohet si i një kategorie më vete dhe jo si zëvëndësues i Ear (1).
