Ford do të fillojë marrjen e porosive për variantet GT dhe GT Performance të Mustangut të parë elektrik ditën e mërkurë dhe më në fund ka zbuluar dhe çmimin e tyre. Versioni GT do të fillojë nga $59,900, ndërsa Mustang Mach-E GT Performance fillon nga $64,900.
Të dyja këto versione vijnë me all-wheel drive në modelin bazë. Mustang Mach-E GT do të ketë një fuqi maksimale prej 480 kuaj-fuqi dhe arrin nga 0 – 100km/h në vetëm 3.8 sekonda. Nga ana tjeter GT Performance ka të njejtën fuqi por arrin nga 0 – 100km/h në 3.5 sekonda.
Këto shifra i bëjnë versionet GT të krahasueshmë me një Tesla Model Y Performance, e cila fillon nga $60,990. Në letër, avantazhi i vetëm i Model Y është autonomia që ofron. Enviromental Protection Agency vlerëson autonominë e Model Y me 487 kilometra në një karikim të plotë, ndërsa Ford tregon se ato kanë si objektiv arritjen e 402 kilometrave në Mach-E GT dhe 378 kilometrave në GT Performance.
Ardhja e këtyre makinave shënon fillimin e një kapitulli të ri për Ford. Deri më tani shitjet e makinave elektrike kanë arritur shifrat që priteshin nga kompania dhe variantet GT do të ndihmojnë në rritjen e tyre.
