Huawei publikoi sot “Raportin Vjetor” për vitin 2020. Rritja është ngadalësuar, por performanca e biznesit të kompanisë ka qenë kryesisht në të njëjtën linjë me parashikimet e saj. Të ardhurat nga shitjet e Huawei në vitin 2020 shkuan rreth 136.7 miliardë dollarë amerikanë, me një rritje prej 3.8% nga viti në vit, ndërsa fitimi neto arriti në 9.9 miliardë dollarë amerikanë, një rritje 3.2% nga viti i mëparshëm.
Pavarësisht vështirësive operacionale që erdhën si pasojë e sanksioneve nga ana e SHBA për 2019-ën dhe 2020-ën, Huawei ka ftuar përsëri kompaninë ndërkombëtare të kontabilitetit KPMG për të audituar në mënyrë të pavarur dhe objektive raportet financiare. Dokumenti i përfunduar nga KPMG është një konkluzion standard i pamodifikuar i auditimit. Pavarësisht rrethanave, ne do të vazhdojmë të përqafojmë transparencën duke bërë publike të dhëna operacionale për qeveritë, klientët, furnitorët, punonjësit dhe partnerët.
Në vitin 2020, biznesi i Huawei për transportuesit vijoi operimin për më shumë se 1500 rrjete në më shumë se 170 vende dhe rajone. Ky bashkëpunim ndihmoi shumë në mbështetjen e punës nga shtëpia nëpërmjet lidhjeve virtuale, mësimit online dhe blerjeve në internet gjatë periudhës së mbylljes për shkak të Covid-19. Duke punuar së bashku me transportuesit në të gjithë botën, kompania solli një eksperiencë superiore duke përparuar me më shumë se 3000 projekte novacioni 5G, në mbi 20 industri si: minierat e qymyrit, prodhimi i çelikut, portet dhe prodhimi.
Gjatë vitit të kaluar, biznesi i Huawei që lidhet me kompanitë dhe ndërmarrjet e tjera, rriti përpjekjet për të zhvilluar zgjidhje novatore të bazuara në skenarë konkretë për industri të ndryshme, si dhe për të krijuar një ekosistem dixhital që bazohet në krijimin dhe suksesin e përbashkët. Gjatë periudhës së pandemisë, Huawei ofroi ekspertizë teknike dhe zgjidhje jetike në luftën kundër virusit. Një shembull është edhe zgjidhja diagnostike e asistuar nga inteligjenca artificiale Al, dhe e bazuar në Huawei Cloud, që ndihmoi spitalet në të gjithë botën për të ulur ngarkesën në infrastrukturën e tyre mjekësore.
Huawei gjithashtu punoi me partnerët për të nisur platformën mësimore online të bazuar në cloud për më shumë se 50 milionë studentë të shkollave fillore dhe të mesme.
Me prezantimin e HarmonyOS dhe ekosistemit Huawei Mobile Services (HMS), biznesi i konsumatorëve të Huawei eci përpara me strategjinë e saj Seamless Al Life (“1+8+N) për t’u siguruar konsumatorëve një përvojë inteligjente në të gjitha pajisjet dhe skenarët. Eksperienca superiore inteligjente e të qenit i lidhur u bë e mundur edhe për zyra inteligjente, palestër, shtëpi inteligjente, udhëtime të vogla apo aktivitete argëtuese.
“Gjatë vitit të shkuar ne kemi qëndruar të fortë përballë vështirësive”, tha Ken Hu, zevendës drejtori i Huawei.
“Po ashtu kemi vijuar me risitë për të krijuar vlera për klientët tanë, për të ndihmuar në luftën kundër pandemisë, dhe për të mbështetur si rimëkëmbjen ekonomike, ashtu edhe procesin e përparimit social në të gjithë botën. Ne gjithashtu e konsideruam këtë mundësi për të përmirësuar më tej aktivitetet tona, duke e orientuar atë drejt një performance që përputhej me parashikimin tonë.”
“Ne do të vijojmë të punojmë pranë klientëve dhe partnerëve tanë për të mbështetur progresin social, rritjen ekonomike dhe zhvillimin e qëndrueshëm.”
Pyetur nga Brenton Bënja, autor i Geek Room, rreth planeve të kompanisë në Shqipëri, Huawei konfirmoi se edhe gjatë këtij viti do të ofrojë strategji dhe zgjidhje për të përmirësuar jetën e individëve dhe biznesit, ashtu siç ka bërë këto vitet e fundit me prezencën e saj zyrtare në vendin tonë.
