Google ka disa kohë që punon në një sistem operativ misterioz të quajtur Fuchsia. Ai me shumë mundësi do të tentojë të zëvëndësojë Android dhe Chrome OS, por që gjithsesi jemi akoma larg këtij momenti.
Lëvizjet e reja të Google tregojnë se ato mund të jenë pranë prezantimit të Fuchsia për developers. Android dhe Chrome OS kanë rritur shumë popullaritetin e tyre, megjithatë kjo kompani po kërkon të krijojë një sistem operativ të vetëm që të përdoret në të gjithë pajsisjet. Fuchsia do të jetë pakashumë si iOS i Apple, nëse ai do të përdorej dhe në laptop.
Ky version i Google do të jetë një projekt open-source që do të marrë pjesët më të mira të Android dhe iOS dhe do t’i sjellë në të gjitha pajisjet, pavarësisht nga user interface. Fuchsia do të funksionojë në smartphone, kompjutera dhe smart speakers nëse informacionet e tanishme janë të sakta. Më e mira nga të gjitha do të jetë përdorimi i aplikacioneve ekzistuese në Android, gjë që do ta bënte tranzicionin në këtë sistem operativ shumë më të lehtë.
Është akoma e paqartë se kur version i parë i Fuchsia do të prezantohet, por me shumë gjasa do të ketë një diskutim rreth tij në Google I/O.
