Oppo prezanton Find X3 Pro me një kamera “mikroskop”

Pas shumë informacionesh të publikuara në rrugë jo zyrtare, Oppo ka prezantuar smartphone-in flagship Find X3 Pro, i cili vjen me një dizajn unik dhe disa funksione të veçanta. Kjo pajisje është shumë e rëndësishme për Oppo, pasi ata po mundohen të përfitojnë sa më shumë nga problemet e Huawei gjatë këtij viti.

Një element që tërheq shumë vëmëndje është ishulli ku vendosen kamerat e pasme, ku duket sikur xhami i pasëm është i pandërprerë. Sistemi i kamerave përfshin kamerën primare dhe ultrawide që përdorin sensorin 50MP 1/1.56-inç Sony IMX766 e cila na bën të kuptojmë se cilësia e fotografive do të jetë e ngjashme në të dyja opsionet.

Gjithashtu ndodhet dhe një kamera 3 MP microlens, që nuk duhet të ngatërrohet me kameran makro që gjendet në shumicën e smartphoneve. Oppo pretendon se ajo është e ngjashme me mikroskopin pasi ju mund të kapni foto si përshembull shtresat subpiksel në ekrane.

Në sistemin e kamerave ndodhet dhe ajo telephoto 13MP me zmadhim optik 2X.

Ekrani i Find X3 Pro është një panel OLED LTPO 3216 x 1440 me refresh rate 120Hz. Oppo prezanton teknologjinë e re në ekran dhe thotë së fotot dhe videot e kapura nga kamera mund të shfaqin mbi 1 miliardë ngjyra, ndërkohë që smartphonët e tjerë shfaqin rreth 16.7 milionë ngjyra.

Proçesori që kompania ka përdorur në këtë smartphone është Snapdragon 888, duke ofruar 12GB RAM dhe 128GB internal storage. Bateria 4500 mAh mund të karikohet nga karikuesja e shpejtë 65W, ose fast wireless charging deri në 30W.

Për momentin nuk kemi informacione rreth çmimit zyrtar, por gjithçka do të bëhet e qartë javën e ardhshme.