Kia ka prezantuar para publikut pamjet e para të makinës elektrike EV6, detajet e plota të së cilës do të publikohen në eventin që do të mbahet online më vonë gjatë këtij muaji.
Dizajni i saj është i inspiruar nga një makinë sportive crossover të bazuar në filozofinë e kësaj kompanie “Opposites United”, që përbëhet nga 5 shtylla: “Bold for Nature,” “Joy for Reason,” “Power to Progress,” “Technology for Life,” dhe “Tension for Serenity” të cilat shpjegohen mjaft mirë në videon e mëposhtme.
Shefi i dizajnit në kompaninë Kia, Karim Habib, thotë se EV6 do të jetë një model bindës dhe shumë i rëndësishëm në tregun e makinave elektrike, pasi në të përfshihet një sistem i sofistikuar i shërbimeve high-tech dhe cilësisë së materialeve të përdorura.
Kia, tashmë pjesë e Mektrin Motors në Shqipëri, e përshkruan EV6 si modelin e parë plotësisht të dedikuar në fuqinë elektrike, pasi Niro ofron modele hibride. Kjo makinë bazohet në modelin E-GMP të kompanisë kryesore Hyundai.
Për detajet teknike, duhet të presim deri sa Kia të vendosë një datë zyrtare për prezantimin e kësaj makine elektrike, e cila sipas informacioneve do të jetë në muajin mars.
