Elon Musk, së bashku me bordin drejtues të kompanisë Tesla po përballen me një padi nga një investitor i cili thotë se komentet e CEO në Twitter shkelin marrëveshjen me Securities and Exchange Commission e cila syjnonte të “zbuste” komunikimet e tij.
Tweet-et e Musk i kanë kushtuar kompanisë që prodhon makina elektrike “miliarda dollar në kapitalizimin e tregut” duke mos respektuar marrëveshjen dhe me sa duket investitori Chase Gharrity në Delaware po përdor këtë arsye për padinë e tij.
Në 2018, SEC akuzoi Musk për mashtrim të sigurisë pas komentit në Twitter duke thënë se ai do ta kthente Tesla-n në një kompani private në qoftë se çmimi i aksioneve do të arrinte vlerën $420. Të dyja palët më pas arritën në një marrëveshje, sipas të cilës Elon Musk do të largohej nga pozicioni i drejtuesit të kompanisë dhe Tesla do të vendoste proçedura për të kontrolluar komentet e tij që ndikonin dhe tek aksionerët e tjerë.
Një nga tweet-et e cituara në padi ishte ai ku Musk thotë se çmimi i aksioneve të Teslas është shumë i lartë, gjë që ndikoi dhe në aksionerët e tjerë. Mirëpo sipas studimeve, rreth një e treta e të anketuarve thanë se bënë investime personale bazuar në tweet-et e tij.
