Connecticut ka vendosur të punësojë një analist sigurie para kryerjes së zgjedhjeve, i cili do të ketë si detyrë monitorimin dhe adresimin e keqinformimit në platforma të ndryshme online. The New York Times raportoi se personi i punësuar do të duhet të shpenzojë shumë kohë në platforma si 4chan, Gettr dhe Rumble, së bashku me rrjetet sociale kryesore të tjera.
Qëllimi është identifikimi i thashethemeve të lidhura me zgjedhjet dhe zbutja e dëmit që ato mund të shkaktojnë duke i adresuar drejt platformave përkatëse që ndjekin politika të caktuara mbi keqinformimin.
Guvernatori i Connecticut, Ned Lamont “la mënjanë” më tepër se $6 milionë për të përmirësuar sistemin shtetëror të zgjedhjeve. Këtu përfshihen $4 milionë për përmirësimin e infrastrukturës së përdorur nga votuesit dhe $2 miloonë për një “fushatë të informacionit publik” që do të ofrojë informacione për mënyrën se si qytetarët duhet të votojnë. Roli i analistit të sigurisë do të paguhet me $150,000.
Ky është një trend i cili po zhvillohet jo vetëm në Connecticut, por në të gjithë kombin. Colorado ngriti Rapid Response Election Security Cyber Unit, e cila kishte si qëllim monitorimin e keqinformimit online, si dhe identifikimin e “sulmeve kibernetike, ndërhyrjeve të huaja dhe fushatave keqinformuese.”
