Shkencëtarët po përpiqen të ndërtojnë një simulim super të saktë të planetit Tokë për të përfituar informacion të besueshëm rreth motit ekstrem dhe ndryshimeve klimatike. “Binjaku dixhital” do të jetë një prezantim virtual i sa më shumë proceseve që ndodhin në sipërfaqen e planetit duke përfshirë ndikimin human në ujë, ushqim dhe sisteme të energjisë.
Në të shkuarën, klima dhe parashikimet e motit janë fokusuar ose në rajonet lokale ose në sisteme më të mëdha globale. Projekti i ri i njohur si Destination Earth, do të sjellë të gjithë këtë informacion bashkë me veprimet e njerëzve për të përshkruar proceset komplekse në të gjithë sistemin e Tokës.
Pothuajse një gjysëm milioni njerëz vdiqën nga katastrofa natyrale të lidhura me motin ekstrem në 2 dekadat e fundit.
Ky project shpreson të sjellë një metodë për testimin e ngjarjeve e cila do të ndihmojë ligjvënësit dhe shkencëtarët të përgatiten për të ardhmen. Skenaret hipotetike si ndërtimi i fermave të erës në Evropë dhe informacioni se ku duhet të mbjellim bimë ndërkohë që klima ndryshon mund të ofrohet nga ky model.
Peter Bauer, bashkë-themeluesi i projektit Destination Earth tha ”Nëse po planifikoni për ndërtimin e një dige 2 metra të lartë në Hollandë, për shembull, unë mund të kërkoj të dhëna në binjakun dixhital dhe të shoh nëse diga do të mbrojë evente ekstreme deri në 2050.
Deri në vitin 2025, ekipi synon të ketë deri në 5 binjakë dixhitalë në punë. Të dhënat e marra do të kombinohen për të krijuar një “binjak dixhital të plote të Tokës”.
