Smartphone-t sot janë gjatë gjithë kohës te rrezikuar nga sulmet e viruseve, disa prej të cilëve me shumë probleme dhe disa prej tyre vjedhin të dhëna nga telefoni juaj. Më poshtë do të shohim se cilat janë shenjat që na tregojnë se një virus ka infektuar pajisjen tonë.
Shikoni për shenja problematike
Zakonisht viruset e gjejnë rrugën e tyre drejt telefonave për shkak të përdoruesve që futen në faqe jo të sigurta. Ka shumë arsye se përse ju nuk duhet të klikoni një link të çuditshëm, të hapni attachments të panjohura në email ose të shkarkoni një aplikacion në rrugë jo zyrtare pasi ktu mund të fshihen viruse të ndryshme. Një nga mënyrat më të mira për të kontrolluar telefonin për viruse është të dalloni nëse ka një sjellje të çuditshme në të si përshembull :
Reklama pop-up frekuente dhe të pakontrollueshme
Adware është një lloj virusi që mbush telefonin tuaj ose aplikacionet e infektuara me reklama pop-up që janë të vështira ose të pamundura për t’u hequr. Ato tentojnë t’ju drejtojnë në viruse të tjerë duke përkeqësuar situatën.
Shpenzime të pashpjeguara
Lloje të ndryshme virusesh automatizojnë disa proçese për të kryer shpenzime nga përdoruesi i infektuar. Për shembull, ato mund të dërgojnë në mënyrë sekrete shumë mesazhe në numra që marrin para nga telefoni juaj për çdo mesazh.
Shkarkimi shumë i shpejtë i baterisë
Bateria e telefonit me kalimin e kohës vjetërohet dhe mund të humbasin paksa efektivitetin e tyre, por në qoftë se bateria e pajisjes suaj çuditërisht fillon të shkarkohet shumë shpejt, është koha që të fillosh të kontrollosh telefonin tuaj për viruse.
Në smartphone është instaluar një aplikacion që ju nuk e keni shkarkuar
Kërko midis aplikacioneve që ke instaluar dhe shiko me kujdes, pasi një aplikacion mund të jetë instaluar nga virusi. Mos hapni asnjë aplikacion që nuk e njihni!
Smartphone-i juaj fiket automatikisht
Mund të ketë shumë arsye se përse smartphone-i juaj fiket automatikisht, duke përfshirë mbinxehjen, problem me baterinë dhe updatet me problem. Mirëpo nëse telefoni juaj bën crash shpesh herë dhe fiket gjithashtu me shumë mundësi telefoni juaj është infektuar nga një virus.
Virusi do t’ju tregojë që gjendet aty
Nëse ndodh diçka e tillë me shumë mundësi personi që ka futur këtë virus në telefonin tuaj do të bllokojë hapjen e aplikacioneve dhe file të ndryshme dhe do t’ju kërkojë të paguani që t’i ripërdorni këto aplikacione.
Duhet që të përdorni një program që skanon viruset
Ndonjëherë, ju mund të përdorni një program skanimi i cili kërkon në telefonin tuaj për viruse specifikë. Për shembull, nëse keni një Samsung Galaxy, ti mund të skanosh telefonin nëpërmjet Smart Manager ose mund të instaloni aplikacione të tjera që kryejnë të njëjtin funksion. Avast Security App është një zgjedhje shumë e mire dhe falas për t’u shkarkuar.
Çfarë të bëni nëse telefoni juaj ka një virus
Shkeputeni lidhjen me internetin menjëhere nëse mendoni se keni një problem që ka të bëjë me virus, më pas fike telefonin. Nëse dëshiron të përdorësh sërish telefonin ose do të shikosh për shenja tjera të virusit duket të ndezësh telefonin në safe mode. Në iPhone duhet të shtypni butonin volume down dhe butonin e ndezjes deri sa të shfaqet logo, ndërsa në Android mbani shtypur opsionin Power Off deri sa të shfaqet Reboot to Safe Mode. Pasi të jeni futur në safe mode, mund të shikoni për aplikacione të dyshimta që mund të shkaktojnë probleme.
Për fat të keq shumicën e rasteve këto viruse janë të fshehur shumë mirë dhe nuk mund t’i gjejmë. Një ndër opsionet që rekomandohet është bërja e Factory Reset dhe të rikthesh të dhënat nga një backup para se të shfaqeshin problemet.
Këtu do të shfaqet një guidë si të bësh factory reset një iPhone dhe një Android. Nëse nuk keni një backup të mëparshëm ju rrezikoni të humbni të dhënat përgjithmonë.
