Ende pa filluar CES dhe Samsung shfaq çfarë do të ketë në pavionet e saja virtuale. Siç e do tradia, kjo është edhe periudha kur kompania i shfaq botës mbi çfarë televizorësh ka qenë duke punuar gjithë vitin. Dhe padyshim që nuk mundet të zhgënjejë lideri i këtij sektori prej dekadash tashmë.
Fillesa e konceptimit të Samsung si kompani teknologjike, nis me prodhimin e televizorëve bardh e zi. Koreanët dëshmojnë se kanë në plan të mos lëvizin nga pozicioni dominant duke paraqitur planin e tyre afatgjatë, mbi përshtatjen e rregullave të reja miqësore me ambientin.
Duke u përpjekur të bëhen “Green” kompania do të minimizojë emetimin e karbonit në gjithë proçesin e vetë të prodhimit. Paketimet do të bëhen të ripërdorshme edhe si mobilje në shtëpi, por edhe imazhet e stërpërdorura në to do të eleminohet duke kursyer tonelata bojë e vajra. Për më tepër telekomanda do të karikohet me dritë, qoftë diell, qoftë ndriçimi i brendshëm por edhe me kabull USB, duke shmangur kështu përdorimin e baterive të jashtme. Kjo do t’i kursejë botës 99 milion bateri AAA në 7 vjet.
Por përtej, politikave korrekte, komoania prezantoi një teknologji krejtësisht të re ekrani. Ajo quhet Neo QLED dhe do të shkojë tek modelet 8K e 4K.
Për të përdoret Quantum Mini LED, e cila ëshët një llampë 1/40 e një LED-i të zakonshëm. E në vend që të përdorë një lente për ndarjen e dritës, ky panel ka një shtresë me mini drita plot me LED të tjera. Teknologjia e dytë quhet Quantum Matrix e cila mundëson kontroll preçiz të gjithë këtij masivi dritash LED. Ndërsa Neo QLED rrit luminancën 12-bit me 4096 shkallë duke bërë që zonat më të errëta të duken më të errëta e ato më të ndriçuarat të ndriçojnë më shumë, e për rezultat eksperienca HDR është më e fortë.
Për më tepër këta televizorë do të vijnë me një proçesor të dedikuar Neo Quantum Processor i cili përdor 16 modele neurale të ndryshme të gjitha me AI të trajnuar për të optimizuar cilësinë e pikturës në outputin 4K dhe 8K pavarësisht inputit.
Ja pra ku prezantohemi me fushë-betejën më të fundit në botën e prodhuesve të televizorëve.
