Versioni më i fundit i sistemit operativ për iPhone, padyshim ktheu disa kokë. Nga widgets të ndryshueshëm, tek përmirësimet e Siri e shumë të tjera mund të themi që ky është iOS më i mirë deri tani.
Që nga prezantimi Apple vendosi të nxjerrë një version beta për zhvilluesit çka do të thotë se nëse dëshiron mund ta instalosh në smartphone që tani. Kujtojmë që një version beta është përpara versionit final ndaj edhe nuk është i qëndrueshëm, përkundrazi është ktejt e pritshme të hapë probleme të vazhdueshme.
iOS nuk këshillohet të instalohet tek aparati i përdorimit ë përditshëm, për ta testuar është më mirë të përdorësh një iPhone rezervë. Thënë kjo gjeneratat tek të cilat mund të funksionojë fillojnë nga iPhone 6 deri tek 11 përfshi edhe SE.
Gjëja e parë që duhet bërë përpara se të instalohet është back up, gjej një Mac dhe sigurohu t’i kesh ruajtur diku materialet më parë, pasi mund të ndodhi që të të fshihet edhe gjithçka.
Me të bërë back up-in fillojmë shkarkimin e iOS 14 Public beta:
1. Hap iPhone dhe futu tek Apple Beta Software Program.
2. Zgjidh Sign Up ose sign in nëse ke llogari të krijuar më parë.
3. Fut të dhënat Apple ID dhe më pas Sign In.
4. Prano kushtet dhe termat e Apple Beta Software Program
5. Një dritare për Public Beta do të shfaqet. Zgjidh iOS shko poshte tek Get Started dhe zgjidh enroll your iOS device.
6. Shko poshtë dhe zgjidh Download Profile.
7. Zgjidh iPhone kur te kerkohet te zgjedhësh aparatin.
8. Kliko Allow.
9. Hap Settings në smartphonin tënd dhe zgjidh Profile Downloaded poshtë shiritit të Apple ID.
10. Zgjidh Install në cepin e djathtë lart.
11. Fut kodin.
12. Kliko Install në cepin e djathtë lart për të rënë dakort, dhe më pas Install përsëri.
13. Done dhe pastaj General majtas lart.
14. Zgjidh Software Update.
15. Kliko Download and Install.
16. Install Now
Rikujtojmë edhe një herë që sistemi është ende shumë problematik dhe nëse do të provosh diçka bëje me një iPhone rezervë. Materiali është 5GB ndaj do të marrë pak kohë për tu shkarkuar.
