Nëse do e kishe lexuar këtë lajm disa muaj më parë do të të ishte dukur çmenduri, por sot duket si një gjë krejt e arsyeshme për tu bërë.
Yamaha Corporation po teston një teknologji e cila do u lejojë fansave të sportit të brohorasin në stadium nëpërmjet një aplikacioni në smartphone.
Ndërsa spektatorët ndjekin ndeshjen nga ekrani, mjafton të shtypin një buton për të inkurajuar, duartrokitur apo për të filluar një himn.
Audio më pas do të dalë në bokset e stadiumit.
Yamaha thotë se secili buton do të ketë një variacion të ndryshëm të një zëri të regjistruar nga një njeri i vërtetë.
Duke vazhduar respektimin e distancimit social por nga ana tjetër duke i dhënë edhe mbështetjen e duhur sportistëve të zemrës.
Kush e di ndoshta Juventus – Milan do kishte pasur rezultat tjetër, me suportin e fansave pranë.
Software është ende në proçes patentimi, por Yamaha është duke e testuar me 26 ekipe profesionale futbolli dhe disa klube baseballi në Japoni.
Gjatë testit të parë në qershor rezultatet ishin mahnitëse, 65,000 përdorues e shtypën butonin 1.9 milion herë.
Në mbi 29 ndeshje 300,000 ndjekës morën pjesë me 18 milion klikime.
2020 duket se po ndryshon çdo aspekt të jetës tonë.
