Shifrat gjigande të përdorimit të rrjeteve sociale, vënë përpara përgjegjësisë të gjitha kompanitë, sado të mëdha qofshin.
Detyra e tyre parësore mbetet krijimi i një ambienti sa më të sigurt për këdo.
Ndaj edhe Instagram ashtu sikurse u lajmërua kohë përpara, sjell më në fund mundësinë për të seleksionuar komentet të cilat meritojnë më shumë vëmendje, duke i bërë pin në krye të listës.
Opsioni lejon që të seleksionohen deri në 3 komente. Mjafton të rrëshkasësh majtas komentin e preferuar dhe krahas report, delete dhe reply do të shfaqet tashmë edhe ikona e gjilpërës me kokë.
Nën drejtimin e CEO Adam Mosseri, platforma sociale ka intensifikuar masat për të luftuar negativitetin, qoftë komentet rraciste, bullizuese apo “hate speech“.
Keq informimi dhe abuzimi janë duke u luftuar gjithashtu me ndihmën e inteligjencës artificiale.
Por, një ndryshim tjetër i cili nuk u prezantua me po kaq celebrim sa opsioni i mësipërm, ka të bëjë me integrimin e një hapësire për blerje në butonat e aksesit direkt të aplikacionit.
Në vend të ikonës së zemrës ku zakonosht shihnim lajmërimet, ftesat dhe liket tashmë do të kemi ikonën e një çante pazari. Kjo do të thotë që marketplace i Facebookut ka gjetur një mënyrë për tu shfaqur edhe në Insta.
Butoni i zemrës për fat të mirë nuk na ka lënë “shëndenë” (akoma) por gjendet në pjesën e sipërme djathtas.
Prioritetet e kompanisë lënë vend për diskutim.
