Një nga zhurmat më të papëlqyeshme të këtij viti sapo u bë edhe më realiste.
iPhone 12 do të vijë pa një karikues në paketim.
I diskutuar javë më parë si një ndryshim i konsiderueshëm, kemi tashmë pamjet e para të kornizës së kutisë së paketimit e cila do të jetë më e holla ndër vite.
ConceptsiPhone ka marrë informacione sipas tyre “100% të vërteta” nga “burime vërtetë të besueshme“. Bazuar në këto informacione është krijuar edhe renderi i mëposhtëm
Ajo që shohim është pjesa plastike e cila shërben si shtrat për vetë aparatin, përveç hapësirës për smartphonin, në të ka vend për kutinë me letrat e manualit, dhe për një kordë USB nga lighting në Type-C.
Çka do të thotë që nuk do të ketë as adapter karikimi as kufje.
Në vend të kësaj përflitet për një adapter i cili për herë të parë do të jetë 20W dhe do të shitet veçmas smartphonit.
Shkak për këtë vendim nuk është vetëm kutia më e hollë, por edhe masa kundër prodhimit të mbetjeve elektronike të cilat sipas OKB po arrijnë shifra alarmante. Ndaj Apple pritet ta marketojë këtë lëvizje si pro ambientaliste, duke ftuar të gjithë të përdorin karikuesin e që kanë prej smartphonit të vjetër.
Thënë kështu bën sens sigurisht, por të paguash $1400 për një smartphone luksoz e më pas të paguash ekstra për një adaptor duket e tepërt. Adaptori i vjetër nuk është më i miri për këtë gjeneratë të re, ai do ta privonte blerësin nga lehtësirat e karikmit më të shpejtë dhe më të shëndetshëm.
E nëse vërtetë kompania shqetësohet kaq shumë le të bëhet pjesë e zgjidhjes dhe t’i ofrojë mundësinë e shkëmbimit të adaptorit të vjetër me një të ri. Sepse tek e fundit, me të ardhur koha adaptorin e vjetër një përdorues do ta hedhë në plehra e do blejë një tjetër. Në rastin e shkëmbimit, kompania do ta riciklonte të vjetrin dhe do shmangte koshin.
