Përdoruesit e Android po presin me padurim versionin e ri të sistemit operativ, Android 12, që nga koha kur Google e prezantoi në muajin shkurt. Këtu do të gjendet gjithçka që është bërë e ditur deri në këto momente, duke u bazuar dhe në shërbimet që kemi parë në developer beta.
Kur do të publikohet Android 12?
Nuk ka akoma një lajmërim zyrtar, por Google zakonisht publikon versionin final të një update-i madhor në Android midis gushtit dhe shtatorit. Kujtojmë se Android 11 u prezantua në 8 shtator 2020 dhe Andorid 10 në 3 shtator 2019.
A mund të shkarkoj Andorid 12 beta?
Versioni beta përmban bugs të ndryshëm që mund të dëmtojnë smartphone-in tuaj, dhe zakonisht shkarkohet vetëm nga developers. Pra nëse ju dëshironi të instaloni këtë version bëni mirë të përdorni një smartphone testues, jo atë primar. Pajisjet e suportuara për versionin beta i gjeni këtu.
Cilat pajisje do të suportojnë Android 12?
Ne besojmë se smartphone-t që do të suportojnë Android 12 gjenden në këtë listë, e cila përfshin smartphonet më të rinj nga Samsung, OnePlus, LG, Huawei dhe kompani të tjera.
Cilat do të jenë shërbimet e reja që do të vijnë?
Nga ajo që kemi parë deri më tani në versionin beta, vihen re shërbime për përmirësimin e App privacy (jo aq strikte sa iOS 14.5), ndryshime në dizajnin e njoftimeve duke i bërë ato më modern dhe funksionalë, opsionet Double-tap në pjesën e pasme të smartphone-it që aktivizojnë një shërbim të caktuar, ndryshime në dizajnin e One-handed mode, Face-based auto-rotate e cila ndjek pozicionin e kokës tuaj për të përcaktuar rrotullimin e ekranit dhe një menaxhim më i mirë i recycle bin.
