I frikshkshëm vrulli i popullaritetit që një aplikacion si TikTok mori në fare pak kohë. Një formulë fare e thjeshtë në koncept një qëllim po aq të thjeshtë në vëmendje: viraliteti.
Edhe pse arkiva gjigande disavjeçare e internetit vazhdon të dëshmojë se sa ide e keqe është, sfida virale e momentit është të hash misër me trapan.
Dhe nëse mendoje se vetëm Indianët apo Kinezët si super përdoruesit e platformës do ta merrnin përsipër këtë rrezik, një superstar si Jason Derulo bie dëshmor për kauzën kaq të rëndësishme. Fatkeqësisht në përpjekje e sipër aksidentalisht dy dhëmbët e tij të parë thyhen. Ja edhe video:
Nëse ke kohë që qarkullon nëpër botën e videove të internetit disa hile i ke kuptuar tashmë, dhe ndoshta do t’i bashkohesh edhe ti atyre që e akuzojnë se është fake. Nëse bën zoom tek dhëmbët e tij do të shohësh mjegullimin si dhe vijat e trasha të aplikacionit që mundohet të rrijë në fokus tek dhëmbët perlë të bardhë të Derulo. Fakti që ai nuk lëviz dhe e mbyll aty përforcon dyshimet tona. Ti si mendon është fake apo jo? Na komento në @geekroom
UPDATE (20:21 / 20.05.2020)
Pak minuta më parë, mediat kanë publikuar këtë foto të Jason të fotografuar të njëjtën ditë të postimit të videos. Dhëmbët e tij duken perfekte si gjithmonë. A është xhiruar video ditë më parë dhe ai i ka rregulluar dhëmbët apo është thjeshtë një fake video? Ne besojmë këtë të dytën…
