Ku ishte Google gjatë provimeve tona të maturës?
Pavarsisht se jo i domosdoshëm në përditshmërinë tonë, Google Lens vazhdon të rrisë rëndësinë e tij mbështetur në funksionet dhe lehtësirat e ofruara të cilat shtohen dita ditës.
Mesa duket shtojca më e fundit do të zgjidhë probleme matematikore.
Ti drejtosh kamerën një objekti e të marrësh informacione për të tashmë është e vjetër, të kopjosh tekstet nga librat gjithashtu por edhe menuja bashkë me llogaritë e faturës dhe bakshishin nuk janë të vështira për të. Ama ekuacionet e matematikës për njerzit më pak të orientuar ndaj shifrave mund të jenë një tmerr i së shkuarës me ndihmën e aplikacionit.
Në fakt akoma asgjë nuk është zyrtare, por zhvilluesit kanë hasur një linjë të re në kodin e programit të quajtur “lens_math_equation” dhe aludimet kanë filluar.
Pak kohë më përpara Google bleu dhe rilançoi një aplikacion për Android dhe iOS të quajtur Socratic. Një program i bazuar në AI i cili pasi të skanonte problemin mund të të ndihmonte të zgjidhje hap pas hapi duke kërkuar nëpër web.
Detyrë jo fort e vështirë për Google duke marrë parasysh motorrin e kërkimit dhe resurset që ka.
Ndaj në një të ardhme jo shumë të largët Google Lens mund të na lehtësojë makthin e quajtur matematikë duke na mësuar edhe logjikën hap pas hapi.
Por sidoqoftë nëse je maturant këtë vit, Geek Room të këshillon të studiosh vetë pasi as ti nuk je pjesë e gjeneratës fatlume, Lens Math ndoshta del vitin tjetër.
