Kompania Samsung zbuloi sot dy smartphone të rinj nga seria Galaxy A, A52 dhe A72, duke i ofruar përdoruesve teknologjinë më të avancuar në çmime të favorshme. Në listën e smartphone-ve më të mirë mid-range në vitin 2020, Geek Room kurorëzoi A51 në vendin e parë. Në bazë të karakteristikave të A52 dhe A72 besojmë se këto smartphone do të jenë të denjë për të fituar sërisht këtë çmim gjatë këtij viti.
Samsung Galaxy A52 vjen me një ekran 6.5 inç Super AMOLED FHD+ dhe refresh rate prej 90Hz. Ky ekran është një produkt i çertifikuar “Eye Care” duke rregulluar temperaturën e ngjyrës së ekranit për të minimizuar lodhjen e syve. Një vëmendje të madhe ditët e sotme po tërheq sistemi i kamerave të përfshira në smartphone. A52 vjen me 4 kamera në pjesën e pasme: kryesorja 64MP, Ultra-wide 12MP, Macro 5MP dhe një sensor Depth 5MP. Në pjesën e parme kemi një kamera cut-out prej 32MP. Për sa i përket baterisë, ky smartphone fuqizohet nga 4,500mAh dhe ofron mundësinë e karikimit të shpejtë 25W. Modeli bazë i tij vjen me 4GB RAM dhe 128GB internal storage. Bashkë me Galaxy A52 do të vijë dhe smartphone-i Galaxy A52 5G që ofron teknologjinë 5G të integruar dhe një ekran me 120Hz refresh rate. Çmimi fillestar i modelit bazë (6/128GB) fillon nga 44,990 (në Shqipëri) dhe për versionin 5G nga €429 (në Evropë).
Nga ana tjetër Samsung Galaxy A72 përmban një ekran 6.7 inç Super AMOLED FHD+ me refresh rate 90Hz. sistemi i kamerave përbëhet nga 4 kamera: ajo kryesore 64MP, Ultra-wide 12MP, Macro 5MP dhe ndryshe nga A52 do të ketë një kamera Tele (3x) 8MP. Ndryshim tjetër është dhe bateria e paketuar në Galaxy A72 prej 5,000mAh, e cila sipas Samsung ofron një jetëgjatësi 2 ditore. Versioni bazë i këtij smartphone-i përmban 6GB RAM dhe 128GB internal storage. Çmimet për Galaxy A72 fillojnë nga 54,990 Lek.
Të dy këto smartphone kapin foto dhe video mjaft të bukura falë kombinimit mjaft të mirë midis lenteve dhe software-it. Tani ju do të keni mundësinë të navigoni lehtësisht brenda ekosistemit Galaxy, ku nëpërmjet SmartThings mund të lidheni me produkte si SmartTag dhe GalaxyBuds për një eksperiencë të përmirësuar. Një lajm shumë i mirë është përfshirja e smartphone-ve në programin e Samsung për të shtuar jetëgjatësinë e tyre, duke ofruar 4 vite me update sigurie të rregullta dhe 3 vite update të software.
Ngjyrat që do të jenë të disponueshme për A52 dhe A72 do të jenë: Awesome Violet, Awesome Blue, Awesome Black, Awesome White.
