Më shumë se 1 milion automjete u vodhën në SHBA në vitin 2023, sipas National Insurance Crime Bureau (NICB). Nga analizimi i të dhënave u pa se makinat elektrike kanë shumë më pak gjasa të vidhen sesa makinat me motor me djegie të brendshme, sipas ekspertëve në NICB.
Katër nga gjashtë automjetet më pak të vjedhura janë elektrike!
Në përgjithësi, 49 nga çdo 100,000 makina të siguruara vidhen çdo vit. Në të kundërt, vetëm 1 në çdo 100,000 Tesla Model 3 të siguruara është vjedhur. Modeli 3 është i pajisur me një sistem sigurie të quajtur Sentry Mode, i cili monitoron kërcënimet e jashtme ndaj automjetit. Analiza e IIHS ka analizuar automjetet me vite prodhimi midis 2021 dhe 2023. Ajo shikon numrin e akuzave të “vjedhjes së automjetit” dhe i vlerëson në përqindje në bazë të numrit total të makinave të siguruara.
Numri më i ulët i akuzave për vjedhje vijnë nga versionet e Tesla Model 3 dhe Model Y, Hyundai Tucson, Volvo XC90 dhe GMC Acadia. “Edhe pse volumi i vjedhjeve të automjeteve elektrike është rritur me kalimin e kohës, ai është ende jashtëzakonisht i ulët në krahasim me automjetet me djegie të brendshme“, thotë specialisti i çështjeve publike të NICB Nicholas Zeitlinger.
Ekspertët nuk janë të sigurt pse, por ata kanë teori – domethënë se EV-të kanë teknologji që i ngatërron personat e këqij. “Teknologjia në këto makina nuk është aq e njohur“, thotë Zeitlinger. “Shumica nuk përdorin çelësa, por kontrollohen nëpërmjet një telefoni ose me një karte.”
“Gjithashtu ne kemi hipotezuar se këto automjete shpesh mbahen në garazh ose pranë një shtëpie për qëllime karikimi, gjë që mund t’i bëjë ato objektiva jo tërheqës,” tregon zëdhënësi i IIHS, Joe Young.
Automjetet me teknologji të lartë mund të gjurmohen më lehtë nga distanca. Sistemet GPS të integruara në automjetet moderne – duke përfshirë të gjitha automjetet elektrike – e bëjnë më të lehtë gjetjen e tyre kur ato zhduken.
Megjithatë mos supozoni se hajdutët nuk janë të interesuar për EV-në tuaj. “Ato janë automjete me vlerë të lartë,” thotë Zeitlinger.
Automjeti më i vjedhur në analizën e IIHS ishte Dodge Durango SRT Hellcat, i cili u vodh 2,583 herë për çdo 100,000 automjete të siguruara. Tre modelet e tjera më të vjedhura ishin gjithashtu modelet Dodge: Charger SRT Hellcat, Charger HEMI dhe Challenger. Gjithashtu në top 10 më të vjedhurit, modelet e GMC Sierra të lehta dhe të rënda, dhe Chevrolet Camaro.
