Seria e 10-të e Apple Watch do të vijë me ekran po aq të madh sa versioni Ultra

Kemi disa lajme potencialisht të mira për fansat e Apple Watch që pëlqejnë ekranin e versionit Ultra: Seria e 10-të e Apple Watch mund të ketë të njëjtën madhësi ekrani si ora 49 mm e kompanisë.

Kjo është përveç përmirësimeve të tjera të mundshme, si përshembull kasa më e hollë dhe një çip i ri që mund të “vendosë bazat për disa përmirësime të AI në të ardhmen“, sipas publikimit më të fundit të Mark Gurman në Bloomberg. Thashethemet e ekranit duket se mbështesin një render CAD nga muaji i kaluar që tregoi një orë të Serisë 10 me një ekran dy inç.

Gurman dhe renders më të fundit tregojnë se ora nuk do të shfaqë ndonjë ndryshim të madh në dizajn. Sa i përket sensorëve të rinj, kjo nuk është shumë e sigurtë, pasi Gurman thotë se Apple nuk po arrin nivelet e duhura me dy përditësime të mëdha të sensorëve shëndetësorë që ka planifikuar.

Kompania thuhet se nuk ka qenë në gjendje të arrijë besueshmërinë e saj të monitorit të presionit të gjakut dhe ai shkruan se mospërdorimi i sensorit të oksigjenit në gjak për shkak të betejave ligjore po pengon përpjekjet e saj për të shtuar zbulimin e apnesë së gjumit.

Apple thuhet se po planifikon të prezantojë dhe një version më të lirë të Apple Watch SE për të sjellë çmimet në përputhje me Galaxy Watch FE të Samsung-ut prej $199. Një mënyrë për ta bërë këtë, me sa duket, është përdorimi i një kase plastike.

Kjo mund ta bëjë orën më të lirë, të sigurt dhe ndoshta më të lehtë. Më në fund, Gurman thotë se kompania po planifikon të lëshojë një Watch Ultra 3, por mos prisni ndryshime të mëdha vizuale. Megjithatë, thuhet se do të marrë çipin e ri që do të fuqizojë Serinë 10.