Gjenerata e ardhshme e Samsung Galaxy Watch 7 “Ultra” sapo është bërë leak nëpërmjet pamjet e reja të krijuara nga OnLeaks dhe Smartprix. Është një vazhdim i serisë Classic të orëve, të cilat janë metalike.
Ky model i ri duket paksa si Apple Watch Ultra tani, me një kasë të re në formë katrore dhe një buton shtesë. Raportimet për ofrimin e një ore katrore nga Samsung u shfaqën në mars, megjithëse këto foto ende shfaqin një që ka një ekran të rrumbullakët. Rreth atij ekrani është një kornizë e ngritur, por nga fotot, është e vështirë të dallosh nëse do të jetë ose jo i rrotullueshëm. Watch 7 Ultra gjithashtu duket mjaft i fortë, gjë që përputhet me raportimet e muajit të kaluar që tregonin se Samsung po përgatiste një model të ri Pro të orëve inteligjente.
Sigurisht që mund të priten disa shërbime shtesë në këtë orë të re, duke përfshirë një buton të tretë që ndoshta do të jetë i ngjashëm me Action Button në Apple Watch Ultra, një grup i ri sensorësh shëndetësor dhe altoparlantë më të mëdhenj, së bashku me vrima shtesë që mund të jenë më shumë mikrofonë që mund të përmirësojnë qartësinë e altoparlantit.
Eventi i rradhës Samsung Unpacked mund të zhvillohet më 10 qershor në Paris, duke zbuluar më shumë detaje rreth orëve të saj, telefonave të palosshëm të gjeneratës së gjashtë dhe një unazë të re Galaxy.
