Gjigandi i hapësirës ajrore dhe automobilave Rolls Royce ka zbuluar së fundmi se ka qenë i suksesshëm në sigurimin e një kontrate që do të ofrojë teknologji për versionin e ardhshëm të avionit që do të përballojë shpërthimet bërthamore të Forcave Ajrore të SHBA.
Ky avion do të jetë versioni i ri i avionëve E-4B, falë aftësive të tij për t’i rezistuar pulseve elektromagnetike dhe shpërthimeve bërthamore. Kjo do të jetë pjesë e projektit të Survivable Airborne Operations Centre (SAOC), për të cilën po punojnë një numër kompanish të hapësirës ajrore, të kryesuar nga Sierra Nevada Corporation. Gjatë kohëve të krizës, avionët E-4B mund të jenë të paçmuar, të aftë për të strehuar një qendër komandimi të lëvizshme, si dhe të ngrihet në fluturim pa probleme nga objektet tokësore të shkatërruara.
Avioni gjithashtu mund të furnizohet me karburant në ajër. Avionët, të cilët kanë një kapacitet prej rreth 111 personash, do të përdoren për të fluturuar anëtarët kryesorë të qeverisë si presidenti amerikan, shefat e përbashkët ushtarakë dhe sekretari i mbrojtjes. Qendra e lëvizshme e komandimit në bord lejon aeroplanin të komunikojë me çdo bazë ushtarake amerikane në botë.
Përveç këtyre objekteve, aeroplani ka edhe një sallë konferencash, zonën e kontrollit, një hapësirë për një ekip operacional, sallë informimi, dhoma pushimi dhe hapësira komunikimi. Deri më tani janë katër prej këtyre avionëve aktualisht në funksion. Për shkak të rëndësisë së tyre në situata emergjente, ka gjithmonë të paktën një në gatishmëri në një bazë ushtarake specifike amerikane në nivel global. Projekti SAOC i cili pritet të përfundojë në vitin 2036 do të përfshijë punë në vende të ndryshme të SHBA në Ohio, Kolorado dhe Nevada.
