Zgjedhja e veshjes në punën tuaj të përditshme po bëhet më e vështirë në një botë ku “business casual” përfshin gjithçka, nga jelekët Patagonia te xhaketat e lëkurës e deri te atletet e shtrenjta. Pra, punonjësit në sektorin e teknologjisë, drejtësisë apo financës po i drejtohen stilistëve profesionistë për t’i ndihmuar ata të gjejnë balancën midis modernes dhe profesionales.
Dhe ata janë të gatshëm të shpenzojnë mijëra dollarë për të arritur ekuilibrin e duhur. Ata që punësojnë një stilist profesionist duhet të jenë të përgatitur të ndërrojnë këmishët e tyre prej $50 me ato prej $250, tha më parë Michelle Sterling. Dhe nëse doni të zgjidhni pamjen luksoze, mos u shmangni nga markat e nivelit të lartë si Loro Piana, Brunello Cucinelli dhe Zegna. Në fund të fundit është se ju duhet të synoni të projektoni një version të vetes që ndihet autentik, tha Sterling.
Disa stilistë fillojnë duke vlerësuar personalitetin e klientëve të tyre përpara se të fillojnë t’i stilojnë. Peter Nguyen, një ish-dizenjues që tani paguhet dhjetëra mijëra dollar për shërbimet e stilimit, u dërgon klientëve një pyetësor të gjatë – duke prekur gjithçka nga hobi e deri te preferencat e tyre muzikore – për ta ndihmuar atë të gjejë rroba që i përshtaten personalitetit të tyre.
Të tjerë preferojnë të marrin një telefonatë për të përcaktuar se çfarë funksionon më mirë për klientët e tyre. Disa stilistë ofrojnë gjithashtu programe të gjera, të stilit javor për ata që kanë nevojë për më shumë se disa orë ndihmë. “Burrat janë shumë të hutuar tani me kodet e veshjes që nuk ndjekin linjat e formalitetit,” tha stilistja me bazë në Nju Jork, Jacci Jaye, e cila drejton një shërbim këshillimi imazhi të quajtur “Wall Street Stylist“.
