Rreth 20 milionë kontribute (reviews) regjistrohen çdo ditë në Maps dhe Search në lidhje me biznese të ndryshme, të cilat raportojnë orët e punës, vlerësimet, foto të ambientit, komente, videot dhe më shumë. Fatkeqësisht, komentet e rreme janë të përhapura në shërbimet e tij.
Por gjigandi i teknologjisë lançoi një algoritëm të ri machine-learning vitin e kaluar që i ka zbuluar këto komente të rreme më shpejt se kurrë. Falë këtij algoritmi janë fshirë nga Maps dhe Search rreth 170 milion reviews të rreme në vitin 2023.
Dan Pritchett, inxhinier kryesor i softuerit në Google Maps, shkruan se reviews i nënshtrohen një shqyrtimi rigoroz nga sistemet e moderimit të Google përpara se të publikohen. Sistemet gjithashtu monitorojnë përmbajtjen për aktivitete të dyshimta me kalimin e kohës, ku hyn algoritmi i ri machine-learning i lançuar vitin e kaluar. Pritchett shpjegon se algoritmi zbulon modelet e dyshimta të reviews edhe më shpejt duke ekzaminuar sinjalet afatgjata në baza ditore. Disa shembuj të aktivitetit të dyshimtë përfshijnë një person që lë të njëjtin review për biznese të shumta, ose nëse biznesi merr një rritje të papritur në vlerësime me 1 yll ose me 5 yje.
Algoritmi është krijuar gjithashtu për të luftuar problemin e mashtruesve që kontaktojnë bizneset duke pretenduar se mund të përmirësojnë vlerësimet dhe praninë e tyre në internet për një tarifë. Pasi të identifikohen modelet, të tilla si kategoritë e biznesit që synohen, algoritmet rafinohen për të mbrojtur këto biznese nga mashtruesit.
Google thotë se parandaloi mbi pesë milionë përpjekje për lënien e reviews të rreme në vetëm disa javë.
